ಕೊಂಕಣ ರೈಲ್ವೆಯ ಅತ್ಯಂತ ಸುಂದರ ಸ್ಟೇಷನ್ಗಳಲ್ಲಿ ಒಂದು ಅಂತ ಹೆಸರು ಮಾಡಿರೋ ಕುಂದಾಪುರ ರೈಲ್ವೆ ನಿಲ್ದಾಣ. ಆದ್ರೆ ವಿಪರ್ಯಾಸ ನೋಡಿ ರೈಲಿನಿಂದ ಇಳಿದ ಪ್ರಯಾಣಿಕನಿಗೆ ಕುಂದಾಪುರ ಪೇಟೆ ತಲುಪೋಕೇ ಆಟೋರಿಕ್ಷದವರ ಹತ್ತಿರ ಯುದ್ಧ ಮಾಡಬೇಕು!
ಕೊಂಕಣ ರೈಲ್ವೆ ಆರಂಭವಾಗಿ 25 ವರ್ಷ ಕಳೆದರೂ ಕುಂದಾಪುರ ಸ್ಟೇಷನ್ಗೆ ಸರಿಯಾದ ಸಾರಿಗೆ ವ್ಯವಸ್ಥೆ ಅನ್ನೋದು ಇನ್ನೂ ಕನಸಾಗಿಯೇ ಉಳಿದಿದೆ.
ಸಮಸ್ಯೆಯ ಮೂಲ ಸ್ಟೇಷನ್ ಇರೋದೇ ಕುಂದಾಪುರದ ಊರ ಹೊರಗೆ ಮೂಡ್ಲುಕಟ್ಟೆಯಲ್ಲಿ
ಕುಂದಾಪುರ ರೈಲ್ವೆ ಸ್ಟೇಷನ್ ಇರೋದು ಕುಂದಾಪುರ ಪೇಟೆಯಿಂದ 6 ಕಿಮೀ ದೂರ ಹೆದ್ದಾರಿಯಿಂದ 3.5 ಕಿಮೀ ಒಳಗೆ.
ಇದರಿಂದ ಏನಾಗುತ್ತೆ?
ರಾತ್ರಿ 1 ಗಂಟೆಗೆ ಮತ್ಸ್ಯಗಂಧಾ ಎಕ್ಸ್ಪ್ರೆಸ್ನಿಂದ ಇಳಿದ ಅಜ್ಜಿ-ತಾತನಿಗೆ 6 ಕಿಮೀ ಹೋಗಲು ಗತಿಯಿಲ್ಲ.
ಬೆಳಿಗ್ಗೆ 5 ಗಂಟೆಗೆ ಮಂಗಳೂರು ಪ್ಯಾಸೆಂಜರ್ ಹಿಡಿಯೋ ವಿದ್ಯಾರ್ಥಿಗೆ ಬಸ್ ಇಲ್ಲ.
ಸ್ಟೇಷನ್ನಿಂದ ಕುಂದಾಪುರ ಪೇಟೆಗೆ ಹೋಗೋಕೆ ಸಾರ್ವಜನಿಕ ಬಸ್ ವ್ಯವಸ್ಥೆಯೇ ಇಲ್ಲ.
ಈಗ ಇರೋ ವ್ಯವಸ್ಥೆ ಹೇಗಿದೆ? ಲೂಟಿಯ ಲೋಕ
ವಾಹನ ದರ ಸಮಸ್ಯೆ
ಆಟೋ ಸ್ಟೇಷನ್-ಪೇಟೆ: 200-250 ರೂ. ರಾತ್ರಿ 300+ ಮೀಟರ್ ಇಲ್ಲ, ದರ ನಿಗದಿ ಇಲ್ಲ. 4 ಜನ ಶೇರ್ ಮಾಡಿದ್ರೂ ತಲಾ ಎಕ್ಸ್ಟ್ರಾ.
ಖಾಸಗಿ ಕಾರು/ಜೀಪ್ 600-800 ರೂ ರೈಲ್ವೆ ಸ್ಟೇಷನ್ ಪ್ಯಾಕೇಜ್" ಅಂತ ಸುಲಿಗೆ. ಓಲಾ-ಊಬರ್ ಬರಲ್ಲ.
KSRTC ಬಸ್ ಇಲ್ಲವೇ ಇಲ್ಲ 25 ವರ್ಷದಲ್ಲಿ ಒಂದೇ ಒಂದು ಸರ್ಕಾರಿ ಬಸ್ ಬಿಟ್ಟಿಲ್ಲ.
ಮುಂಬೈಯಿಂದ 1000 ರೂ ಕೊಟ್ಟು ರೈಲಲ್ಲಿ ಬಂದವನು, ಸ್ಟೇಷನ್ನಿಂದ ಮನೆಗೆ 6 ಕಿಮೀ ಹೋಗೋಕೆ ಐನೂರರಿಂದ ಸಾವಿರ ರೂಪಾಯಿ ರೂ ಕೊಡಬೇಕು - ಇದು ಕುಂದಾಪುರದ ವ್ಯಥೆ.
ವಿದ್ಯಾರ್ಥಿಗಳು ಉಡುಪಿ, ಮಣಿಪಾಲ ಕಾಲೇಜಿಗೆ ದಿನಾ ಹೋಗೋ 300+ ವಿದ್ಯಾರ್ಥಿಗಳು. ತಿಂಗಳಿಗೆ ಬಸ್+ಆಟೋಗೆ 3000 ರೂ ಖರ್ಚು.
2ವಯೋವೃದ್ಧರು, ರೋಗಿಗಳು KMC ಆಸ್ಪತ್ರೆಗೆ ಹೋಗೋರು. ಆಟೋದವರು ಲಗೇಜ್ ಜಾಸ್ತಿ ಇದೆ ಅಂತ 50 ರಿಂದ 100 ರೂ ಎಕ್ಸ್ಟ್ರಾ ಕೇಳುತ್ತಾರೆ.
ಪ್ರವಾಸಿಗರು ಕೂಡ್ಲು ತೀರ್ಥ ಮರವಂತೆ ಬೀಚ್ ನೋಡೋಕೆ ಬರೋರು. ಸ್ಟೇಷನ್ನಲ್ಲಿ ಇಳಿದ ಕೂಡಲೇ ಫಸ್ಟ್ ಇಂಪ್ರೆಶನ್ ಇಸ್ ವರ್ಸ್ಟ್ ಇಂಪ್ರೆಶನ್ ಆಗುತ್ತೆ.
ಮಹಿಳೆಯರು ರಾತ್ರಿ ವೇಳೆ ಒಬ್ಬೊಂಟಿ ಮಹಿಳೆ ಸ್ಟೇಷನ್ನಲ್ಲಿ ಇಳಿದರೆ ಆಟೋ ಹೊರತು ಬೇರೆ ಗತಿಯಿಲ್ಲ ಸುರಕ್ಷತೆಯ ಪ್ರಶ್ನೆ.
25 ವರ್ಷದಲ್ಲಿ ಆಗದ್ದೇನು? ಆಡಳಿತದ ನಿರ್ಲಕ್ಷ್ಯ
KSRTC ಮಲತಾಯಿ ಧೋರಣೆ ಉಡುಪಿ, ಬೈಂದೂರು, ಭಟ್ಕಳ ಸ್ಟೇಷನ್ಗೆ KSRTC ಬಸ್ ಇದೆ. ಆದ್ರೆ ಕುಂದಾಪುರಕ್ಕೆ ಮಾತ್ರ ಇಲ್ಲ. ಪ್ರಯಾಣಿಕರು ಇಲ್ಲ ಅನ್ನೋ ಸಬೂಬು. ದಿನಕ್ಕೆ 20+ ರೈಲು ನಿಲ್ಲುವ ಸ್ಟೇಷನ್ಗೆ ಪ್ರಯಾಣಿಕರು ಇಲ್ವಾ?
ಶಟಲ್ ಸರ್ವಿಸ್ ಮರೀಚಿಕೆ 2018ರಲ್ಲಿ ಶಾಸಕರು ಶಟಲ್ ಬಸ್ ಬಿಡ್ತೀವಿ ಅಂದ್ರು. ಆರರಿಂದ ಏಳು ವರ್ಷ ಆಯ್ತು, ಬಸ್ ಬರಲೇ ಇಲ್ಲ.
ಪ್ರಿಪೇಯ್ಡ್ ಆಟೋ ಕೌಂಟರ್ ಇಲ್ಲ ಮಂಗಳೂರು ಸೆಂಟ್ರಲ್, ಉಡುಪಿಯಲ್ಲಿದೆ. ಕುಂದಾಪುರದಲ್ಲಿ ಯಾಕಿಲ್ಲ? ಆಟೋ ಯೂನಿಯನ್ ಒತ್ತಡಕ್ಕೆ ಅಧಿಕಾರಿಗಳು ಮಣಿದಿದ್ದಾರಾ?
ರೈಲ್ವೆ ಸಾರಿಗೆ ಇಲಾಖೆ ಸಮನ್ವಯ ಶೂನ್ಯ ರೈಲ್ವೆ ಅಂತಾರೆ ಸ್ಟೇಷನ್ ಹೊರಗೆ ಸಾರಿಗೆ ನಮ್ಮ ಜವಾಬ್ದಾರಿ ಅಲ್ಲ KSRTC ಅಂತಾರೆ ರೈಲ್ವೆ ಕೇಳಿಲ್ಲ. ಜನ ಮಾತ್ರ ಮಧ್ಯೆ ನರಳಾಟ.
ಪರಿಹಾರ ಏನು? ಇಚ್ಛಾಶಕ್ತಿ ಇದ್ರೆ ಮಾರ್ಗ ಇದೆ
ತಕ್ಷಣಕ್ಕೆ ಆಗಬೇಕಾದ್ದು
KSRTC ಫೀಡರ್ ಬಸ್ ಬೆಳಿಗ್ಗೆ 4.30 ರಿಂದ ರಾತ್ರಿ 11.30 ತನಕ ಪ್ರತಿ 30 ನಿಮಿಷಕ್ಕೆ ಸ್ಟೇಷನ್-ಕುಂದಾಪುರ ಶಾಸ್ತ್ರೀ ಸರ್ಕಲ್-ಬಸ್ಸ್ಟ್ಯಾಂಡ್ ರೂಟ್. ಟಿಕೆಟ್ ದರ ಫಿಕ್ಸ್.
ಪ್ರಿಪೇಯ್ಡ್ ಆಟೋ ಕೌಂಟರ್ ರೈಲ್ವೆ ಇಲಾಖೆ ಜಾಗ ಕೊಡಲಿ, RTO ದರ ನಿಗದಿ ಮಾಡಲಿ. ಸ್ಟೇಷನ್-ಪೇಟೆ 100 ರೂ ಫಿಕ್ಸ್.
ರೈಲು ಟೈಂ-ಟೇಬಲ್ಗೆ ಬಸ್ ಲಿಂಕ್ ಮತ್ಸ್ಯಗಂಧಾ, ನೇತ್ರಾವತಿ, ಮಂಗಳೂರು ಎಕ್ಸ್ಪ್ರೆಸ್ ಬರುವ 10 ನಿಮಿಷ ಮುಂಚೆ ಬಸ್ ಸ್ಟೇಷನ್ನಲ್ಲಿ ಇರಬೇಕು.
ಶಾಶ್ವತ ಪರಿಹಾರ
ಕುಂದಾಪುರ ದರ್ಶಿನಿ ಸರ್ಕುಲರ್ ಬಸ್ ಸ್ಟೇಷನ್, ಹಂಗಳೂರು ಪೇಟೆ, ಕೋಡಿ ಬೀಚ್, ಮರವಂತೆ,ಮತ್ತೆ ಸ್ಟೇಷನ್. ಪ್ರವಾಸೋದ್ಯಮಕ್ಕೂ ಅನುಕೂಲ.
ಎಲೆಕ್ಟ್ರಿಕ್ ಆಟೋ ಯುವಕರಿಗೆ ಸಬ್ಸಿಡಿಯಲ್ಲಿ ಇ-ಆಟೋ ಕೊಟ್ಟು ಸ್ಟೇಷನ್ಗೆ ಮಾತ್ರ ಪರ್ಮಿಟ್. ದರ ಕಡಿಮೆ, ಮಾಲಿನ್ಯ ಇಲ್ಲ.
ಅಪ್ಲಿಕೇಶನ್ ಬೇಸ್ಡ್ ಸರ್ವಿಸ್ ಕುಂದಾಪುರ ಆ್ಯಪ್ ಮಾಡಿ ಬಸ್, ಆಟೋ ಲೈವ್ ಟ್ರ್ಯಾಕಿಂಗ್, ಆನ್ಲೈನ್ ಬುಕಿಂಗ್.
ಜನರೇ ಎಚ್ಚರಗೊಳ್ಳಬೇಕು ಸುಮ್ಮನಿದ್ರೆ ಏನೂ ಆಗಲ್ಲ
ಟ್ವಿಟ್ಟರ್ ಅಭಿಯಾನ *#BusToKundapurStation* ಅಂತ ಟ್ಯಾಗ್ ಮಾಡಿ @KSRTC_Journeys @KonkanRailway @HaladiSrinivas ಗೆ ಟ್ವೀಟ್ ಮಾಡಿ.
ಸಹಿ ಸಂಗ್ರಹ ಸ್ಟೇಷನ್ನಲ್ಲಿ, ಪೇಟೆಯಲ್ಲಿ ಸಹಿ ಸಂಗ್ರಹಿಸಿ DC, MLA ಗೆ ಮನವಿ ಕೊಡಿ.
ರೈಲ್ವೆ ಪ್ರಯಾಣಿಕರ ಸಲಹಾ ಸಮಿತಿಗೆ ದೂರು ಪ್ರತಿ 3 ತಿಂಗಳಿಗೊಮ್ಮೆ ಮೀಟಿಂಗ್ ಇರುತ್ತೆ. ಅಲ್ಲಿ ಧ್ವನಿ ಎತ್ತಿ.
ಅಭಿವೃದ್ಧಿ ಅಂದ್ರೆ ಕಟ್ಟಡ ಅಲ್ಲ, ಸಂಪರ್ಕ
ಕೋಟಿ ಕೋಟಿ ಖರ್ಚು ಮಾಡಿ ಸ್ಟೇಷನ್ ಸುಂದರ ಮಾಡಿದ್ದಾರೆ, ಪ್ಲಾಟ್ಫಾರ್ಮ್ ಎತ್ತರ ಮಾಡಿದ್ದಾರೆ. ಆದ್ರೆ ಸ್ಟೇಷನ್ನಿಂದ ಊರಿಗೆ ಹೋಗೋಕೆ ದಾರಿ ಇಲ್ದಿದ್ರೆ ಏನು ಪ್ರಯೋಜನ?
ರೈಲು ಬಂತು ಕುಂದಾಪುರಕ್ಕೆ, ಆದ್ರೆ ಕುಂದಾಪುರ ಇನ್ನೂ ರೈಲ್ವೆ ಸ್ಟೇಷನ್ಗೆ ಬಂದಿಲ್ಲಇದು ಸದ್ಯದ ಸ್ಥಿತಿ.
ಶಾಸಕರು, ಸಂಸದರು, KSRTC ಅಧಿಕಾರಿಗಳು ತಿಂಗಳಿಗೆ ಒಮ್ಮೆ ಸಾಮಾನ್ಯ ಪ್ರಯಾಣಿಕರ ತರ ರೈಲಲ್ಲಿ ಬಂದು, ಆಟೋದವರ ಜೊತೆ ಚೌಕಾಸಿ ಮಾಡಿ ಪೇಟೆಗೆ ಹೋದರೆ ಸಮಸ್ಯೆ ಅರ್ಥ ಆಗುತ್ತೆ.
ಕುಂದಾಪುರದ ನಾಗರಿಕರೇ, ಇದು ನಿಮ್ಮ ಹಕ್ಕು, ಭಿಕ್ಷೆ ಅಲ್ಲ ದನಿ ಎತ್ತಿ, ಹೋರಾಟ . ಮಾಡದಿದ್ದರೆ ಇನ್ನೂ 25 ವರ್ಷ ಆಟೋರಿಕ್ಷದವರಿಗೆ ಅಣ್ಣಾ, ಎಷ್ಟಪ್ಪಾ? ಅಂತ ಕೇಳ್ಕೊಂಡೇ ಇರಬೇಕಾಗುತ್ತೆ.
