ದೈವಾರಾಧನೆ - ಕರಾವಳಿಯ ಆತ್ಮ 🙏
ತುಳುನಾಡಿನ ಮಣ್ಣಿನಲ್ಲಿ ದೈವಾರಾಧನೆ ಎಂದರೆ ಕೇವಲ ಒಂದು ಆಚರಣೆಯಲ್ಲ, ಅದು ನಮ್ಮ ಬದುಕು, ನಮ್ಮ ಸಂಸ್ಕಾರ, ನಮ್ಮ ತಲೆಮಾರುಗಳಿಂದ ಬಂದ ಪವಿತ್ರ ನಂಬಿಕೆ.
ದೈವದ ಸನ್ನಿಧಿಯಲ್ಲಿ ಕಣ್ಣೀರು ಒರೆಸಿಕೊಂಡವರು ಎಷ್ಟೋ ಮಂದಿ, ನ್ಯಾಯ ಪಡೆದವರು ಎಷ್ಟೋ ಮಂದಿ. ದೈವದ ನುಡಿ ಎಂದರೆ ನಮಗೆ ವೇದವಾಕ್ಯ. ಅಲ್ಲಿ ಸುಳ್ಳಿಗೆ ಜಾಗವಿಲ್ಲ, ಸ್ವಾರ್ಥಕ್ಕೆ ಅವಕಾಶವಿಲ್ಲ.
ಆದರೆ ಇತ್ತೀಚೆಗೆ ನಡೆದ ಒಂದು ಘಟನೆ ಭಕ್ತರ ಮನಸ್ಸಿನಲ್ಲಿ ನೋವಿನ ಪ್ರಶ್ನೆಯನ್ನು ಹುಟ್ಟುಹಾಕಿದೆ...
80 ವರ್ಷದ ಒಬ್ಬ ವೃದ್ಧ ಭಕ್ತ, ಜೀವನಪೂರ್ತಿ ದೈವವನ್ನು ನಂಬಿ ಬದುಕಿದವರು. 15 ದಿನಗಳ ಹಿಂದೆ ಒಂದು ದೈವ ದರ್ಶನದಲ್ಲಿ ಅವರಿಗೆ ಹೇಳಲಾಯಿತು —
"ನೀವೆಲ್ಲ ಒಂದಾಗಿ, ಆಸ್ತಿ ವ್ಯಾಜ್ಯವನ್ನು ನ್ಯಾಯಾಲಯದಲ್ಲಿ ತೀರ್ಮಾನ ಮಾಡಿಕೊಳ್ಳಿ, ನನಗೆ ನಿಮ್ಮ ಕುಟುಂಬದ ಒಗ್ಗಟ್ಟು ಮಾತ್ರ ಬೇಕು."
ಆ ಮಾತನ್ನು ದೈವದ ಆಶೀರ್ವಾದವೆಂದು ಸ್ವೀಕರಿಸಿ, ಕಣ್ಣಲ್ಲಿ ನೀರು ತುಂಬಿಕೊಂಡು ಮನೆಗೆ ಹೋದ ಆ ಕುಟುಂಬಕ್ಕೆ 15 ದಿನಗಳ ನಂತರ ಮತ್ತೊಂದು ದರ್ಶನದಲ್ಲಿ ದೈವ ಅದೇ ಪಾತ್ರೆ ಮಾತ್ರ ಬೇರೆ ಆಗಿರುತ್ತಾರೆ ಹೇಳಲಾಗುತ್ತದಂತೆ —
"ಕೇಸ್ ಹಿಂಪಡೆದರೆ ಮಾತ್ರ ಇಲ್ಲಿಗೆ ಬನ್ನಿ, ಇಲ್ಲವಾದರೆ ನೀವು ಕಟ್ಟಿದ ಮುಡಿಯನ್ನು ವಾಪಸ್ ತೆಗೆದುಕೊಂಡು ಹೋಗಿ."
ಇಗ ಭಕ್ತರ ಮನದಲ್ಲಿ ಮೂಡಿರುವ ಮುಗ್ಧ ಪ್ರಶ್ನೆಗಳು ಇವು...
ದೈವ 15 ದಿನಗಳಲ್ಲಿ ತನ್ನ ನುಡಿಯನ್ನು ಬದಲಾಯಿಸುತ್ತದೆಯೇ...?
ದೈವ ಒಂದಾಗು ಎಂದು ಹೇಳಿ, ಮತ್ತೆ ದೂರವಿರು ಎಂದು ಹೇಳುತ್ತದೆಯೇ...?
ಮುಡಿ ಕಾಣಿಕೆ ದೈವಕ್ಕೆ ಸಲ್ಲಿಸಿದ ಭಕ್ತಿ, ಅದನ್ನು ಹಿಂಪಡೆಯಿರಿ ಎನ್ನುವುದು ಧರ್ಮವೇ...?
ದೈವ ಹೇಳಿದಂತೆ ಕಟ್ಟಿದ ಕಾಣಿಕೆಯನ್ನು ನಾನು ಏನು
ಮಾಡಬೇಕು.? 80 ವರ್ಷದ ವೃದ್ಧರ ಪ್ರಶ್ನೆ ಇದು.
ನಾವು ದೈವವನ್ನು ಪ್ರಶ್ನಿಸುತ್ತಿಲ್ಲ, ದೈವದ ಪಾವಿತ್ರ್ಯವನ್ನು ಶಂಕಿಸುತ್ತಿಲ್ಲ. ನಮ್ಮ ಪ್ರಶ್ನೆ ಕೇವಲ ಇಷ್ಟೇ — ದೈವದ ಹೆಸರಿನಲ್ಲಿ ಮಾತನಾಡುವಾಗ, ಆ ಮಾತು ನಿಜಕ್ಕೂ ದೈವದ್ದೇ ಆಗಿರಬೇಕಲ್ಲವೇ...? ಮನುಷ್ಯರ ಸ್ವಾರ್ಥ, ಆಸ್ತಿಯ ವ್ಯಾಜ್ಯ, ಕುಟುಂಬದ ಜಗಳಗಳು ದೈವದ ಸನ್ನಿಧಿಯನ್ನು ಬಳಸಿಕೊಳ್ಳಬಾರದಲ್ಲವೇ...?
ದೈವಾರಾಧನೆಯ ಘನತೆಗೆ ಧಕ್ಕೆ ಬರಬಾರದು, ಯಾವ ಭಕ್ತನಿಗೂ ಅನ್ಯಾಯವಾಗಬಾರದು, 80 ವರ್ಷದ ವೃದ್ಧರ ಕಣ್ಣೀರಿಗೆ ಕಾರಣವಾಗಬಾರದು ಎಂಬುದೇ ನಮ್ಮ ಕಳಕಳಿಯ ಮನವಿ.
ಸತ್ಯ ಏನೆಂಬುದು ದೈವಕ್ಕೇ ಗೊತ್ತು. ಆದರೆ ಸತ್ಯ ಬೆಳಕಿಗೆ ಬರಬೇಕು, ಧರ್ಮ ಉಳಿಯಬೇಕು, ಭಕ್ತರ ನಂಬಿಕೆ ಅಲುಗಾಡಬಾರದು.
ಇದು ಆರೋಪವಲ್ಲ, ಇದು ಭಕ್ತಿಯಿಂದ ಹುಟ್ಟಿದ ಪ್ರಶ್ನೆ 🙏
ದೈವ ಸತ್ಯದ ಜೊತೆಗಿದೆ, ಧರ್ಮ ಸತ್ಯದ ಜೊತೆಗಿದೆ.
